九龍城寨之圍城丨劉俊謙讚林峯溫柔細心　胡子彤張文傑挑戰動作場面毫不留力

由陳俞希（Hailey）、李禹燊（Oscar）和黃汛一（Jake）任主持的ViuTV節目《周六食花生》，在明晚（4月27日）播出的一集邀請到《九龍城寨之圍城》團隊，包括林峯、劉俊謙、胡子彤同張文傑任嘉賓，分享拍攝期間的趣事和感受。

《九龍城寨之圍城》內有大量打鬥場面，林峯自爆受傷驚險事：「有個動作係要S字形走位，之後去檢查嗰陣先發現原來十字韌帶斷咗一半。仲有次試戲嗰陣，係二樓同武師對打。個情景就係佢要向我進攻，我就要向後退。點知，我就唔小心差錯腳，就由二樓跌咗落一樓。好彩下面有一堆道具墊住，就無點受到傷。最唔抵係當時未roll機，無拍到。」

九龍城寨之圍城丨群星出席優先場力撐　林峯胡子彤張文傑組新男團Kowloon Four

▲ 林峯獲劉俊謙讚溫柔細心。

劉俊謙自細睇《尋秦記》

至於劉俊謙就分享指拍攝期間，就不小心被電單車死氣喉燙傷小腿；而胡子彤則意外被踢傷下巴，需縫14針。
 
談及對彼此的印象，劉俊謙笑言小時候是看《尋秦記》長大，所以林峯是陪自己成長的一個大哥哥，並指其十分溫柔和細心：「佢知道我非常喜歡金莎。有日拍到好攰，佢就遞咗盒金莎送俾我。個刻真係覺得，個盒金莎係我嘅所有。」

被問及下次4位兄弟合作會想拍甚麼題材，林峯笑言想拍一齊拍BL四角戀，令在場所有人都哭笑不得。

▲ 林峯盼開BL戲大玩四角戀。

最新影片推介：吳家樂專訪

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5